هل كاسيت Amphetamine (AMP) بيكشف عن الشابو (Methamphetamine)؟

هل ينفع نستخدم كاسيت Amphetamine (AMP) عشان نكشف عن الشابو (Methamphetamine)؟

الإجابة: لأ، ما ينفعش. وده سؤال بيتسأل كتير في المعامل، فخلّينا نشرح السبب ببساطة.

ليه كاسيت الـ AMP ما بيكشفش عن الشابو؟

الـ Rapid Test شغال بتقنية Lateral Flow Immunoassay، يعني بيعتمد على ارتباط الـ Antibody بالـ Antigen. كل مادة ليها Antigen خاص بيها، وأي تغيير بسيط في التركيب الكيميائي للمادة بيغيّر الـ Antigen، وبالتالي محتاجين Antibody مختلف يرتبط بيه.

التركيب الكيميائي للأمفيتامين والشابو

التركيب الكيميائي للمادتين قريب جداً من بعض، بس الشابو (Methamphetamine) فيه Methyl Group زيادة. الفرق ده كفاية إنه يغيّر الـ Antigen.

الكاسيت بيدوّر على إيه بالظبط؟

الكاسيت بيدوّر على نواتج الـ Metabolism بتاعة المادة في البول. الأمفيتامين بيدّي D و L-Amphetamine، والشابو بيدّي D و L-Methamphetamine.

ولو بصّينا في النشرة (Package Insert) بتاعة كاسيت الـ AMP، هنلاقي إن مفيش Cross-reactivity مع D/L-Methamphetamine:

وبالمثل، نشرة كاسيت الـ MET بتوضح إن مفيش Cross-reactivity مع D و L-Amphetamine:

الخلاصة

• لو المريض واخد شابو (MET) بس، كاسيت الـ AMP هيطلع Negative.
• لو المريض واخد شابو مخلوط بأمفيتامين، كاسيت الـ AMP ممكن يطلع Positive بسبب الأمفيتامين اللي في الخليط.
• عشان كده لازم تستخدم كاسيت MET مخصوص للكشف عن الشابو، أو بانل Multi-Drug فيه MET.

اختبارات Methamphetamine (MET) وAmphetamine (AMP) من RightSign متاحة من لاب سوليوشنز، الوكيل الحصري في مصر. وكمان بانلات Multi-Drug 8 وMulti-Drug 9 بتكشف على الاتنين مع بعض.